Vocal : Wak Kocai
Bilo hari sudah nak malam, Burung-burung balik ke sarang
Anak bujang mulai ke simpang, Hilir mudik menjual tampang
Gawenyo, Suko nian ganggu gadis orang
Gayanyo, Macam sudah jadi toke gedang
Bilo malam menjadi musang, Suko ngintip ayam di kandang
Memang nasib malang lah badan, Keno kejar pakai lah parang
Peningnyo, Orangtuo mikir kan utang
Dibuat, Oleh anak bujang nan curang
Dirumah dirusuh kanti, Kalau awak idak mencari
Bilo makan dak pernah kenyang, Biar habis beras segantang
Mano duduk orang dak senang, Nampak nian awak tebuang
Lebih baik awak berdendang, Dengan grup PALERAK PANTANG
Memang lah nasib ku, Hidup melintang pukang
Gara-gara awak, dak dengar cakap orang
Dari kecik mandi telanjang, Sudah gedang melintang pukang
Tiap malam suko begadang, Lalu jadi celaan orang
Peningnyo, Orangtuo mikir kan utang
Dibuat, Oleh anak bujang nan curang
Dirumah dirusuh kanti, Kalau awak idak mencari
Bilo makan dak pernah kenyang, Biar habis beras segantang
Mano duduk orang dak senang, Nampak nian awak tebuang
Lebih baik awak berdendang, Dengan grup PALERAK PANTANG
Memang lah nasib ku, Hidup melintang pukang
Gara-gara awak, dak dengar cakap orang
Sejak dari kecik, Hidup dak seorang senang
Jangan kan mengaji, Sembahyang pun tak suka
Iko lah namonyo, Bujang Palerak Pantang
Selalu berbuat, Semua yang dilarang
Tidak ada komentar:
Posting Komentar